Friday, March 1, 2019

ఆ కొంచం వర్షం


                               ఆ కొంచం వర్షం 

                                                                   
www.telugukavithalu.in


ఆ కొంచం వర్షం

ఎవరికి చెప్పాలి
ఎవరికి తెలియాలి
రాల్చిన కన్నీటి బొట్టుని
నువ్వు చూడాలి
నువ్వే చెప్పాలి
మిగిలిన మురికిని
నువ్వే కడగాలి.
కురిపించు కృష్ణా
ఆ కొంచం వర్షాన్ని.

ఎక్కడైతే కామంతో
కుంచించుకుపోయినా నా దేహంలోని
ప్రతి కణం కణం కడిగేలా
కురిపించు.

ఎప్పుడైతే నిన్ను విడిచి
నా దారి పోయానో
అక్కడే ఇప్పుడే
కురవని ని వర్షాన్ని

గతాల ఎడారులు
భయాల కరువులు
అన్ని పుష్పించేలా
మళ్ళీ నిన్ను నాపై మోసేలా
కురిపించు ని అమృతవహిణిలా జలదారని.

ఏడ్చి ఏడ్చి ఇంకిపోయిన
గుండెలోని చేరువుని నింపేలా
నా కన్నుల కుండలు నిండెలా
మళ్ళీ నీకై కన్నీళ్ళు రాల్చేల
కురిపించు..కృష్ణా.

నువ్వులేవని అరిచి అరిచి
ఎండిపోయిన గొంతు
మళ్ళీ నిన్ను పలికెల
దాన్ని దాహం తిరేలా
కురిపించు..కృష్ణా. కురిపించు.

ఒక్కసారి మళ్ళీ హత్తుకొని
నా భుజాలపై ఎత్తుకొని
ని దారికి రానియ్

ఇంకా ఏమూలనో ఉన్న
అచింత జఠిలంత విముఖత కామపిడిత వ్యతిరేకత
చిలుముని కడగాలి
కురిపించు.. కృష్ణా
ని పాదాలు కడిగిన గంగా ని
ఇప్పుడే మళ్లీ మళ్ళీ
కురిపించు.. కృష్ణా
నే మళ్ళీ పుట్టేలా
నిన్ను మొక్కేలా.

యదా: కృష్ణా! తదా: కృష్ణా! సదా: కృష్ణా!
యద్భావామ్: తద్భవతి.

Whatsapp📱:9951017979
🖋:సృతన్

No comments:

Post a Comment